…Beləliklə, Canet Yellen narahatlığını ifadə edərək, ABŞ iqtisadiyyatında tənəzzül ehtimalının nəzərəçarpacaq dərəcədə artdığını qeyd edib. Onun fikrincə, buna maliyyə bazarlarını sabitsizləşdirən, istehlakçı və biznes əhval-ruhiyyəsinə mənfi təsir göstərən Donald Trampın proteksionist siyasəti səbəb olur.
SİA-nın əldə etdiyi məlumata görə, “Financial Times” qəzetinə müsahibəsində ABŞ-ın keçmiş maliyyə naziri vurğulayıb ki, əsas ticarət tərəfdaşlarına tariflərin tətbiqi Amerika istehlakçıları və biznesləri üçün “son dərəcə mənfi nəticələrə” səbəb ola bilər.
…Mən tənəzzülün qaçılmaz olduğunu söyləməyə hələ hazır deyiləm, lakin onun ehtimalı şübhəsiz ki, artıb, -deyən Yellen, Çin mallarına tətbiq edilən tariflərin həyati vacib mineralların tədarükünü kəsərək ABŞ istehsalına ciddi maneə yarada biləcəyini söyləyib.
Onun şərhləri çərşənbə günü açıqlanan məlumatlara görə gəlib ki, şirkətlər tariflərdən əvvəl idxalı artırdıqca ABŞ iqtisadiyyatı birinci rübdə daralıb. ÜDM-in illik 0,3 faiz azalması son üç ildə ən pis rüblük göstəricidir.
…Yellen həmçinin qeyd edib ki, ABŞ-ın təmiz enerji texnologiyaları, batareyalar və digər sənayelər üçün kritik minerallar baxımından Çindən asılılığı Amerika iqtisadiyyatını həssas edir.
…Yüksək tariflər təyin etməklə, biz perspektivli sənayeləri riskə atmış ola bilərik.
Bu da Yellenin sözləridir.
…Daha əvvəl Bloomberg qeyd edib ki, ABŞ-ın bütün mövcud problemlərində Bayden administrasiyasını günahlandırmaq cəhdləri artıq Donald Trampa ÜDM-in aşağı düşməsinə haqq qazandırmağa kömək etmir.
Əli Babayev
